Italiyada ish tashlash tufayli yuzlab aviareyslar bekor qilindi

Italiyada bir qancha aviakompaniyalar va fuqaro aviatsiyasi idoralari xodimlari ish tashlashmoqda. Natijada mamlakat bo‘ylab aeroportlarda ko‘plab reyslar bekor qilindi.

Foto: tecnotalks

17 iyul, yakshanba kuni Italiya bo‘ylab aeroportlarda 200 dan ortiq reyslar bekor qilindi. Bu, asosan, ichki reyslarga ta’sir qildi. Biroq, samolyotlar Milandan Frankfurt-Mayn va Berlinga, Rim aeroportlaridan esa Parij, Amsterdam, London va Tsyurixga uchmadi.

Parvozlarning bekor qilinishiga Italiyaning bir qancha kasaba uyushmalari tomonidan tashkil etilgan to‘rt soatlik ogohlantiruvchi ish tashlash sabab bo‘ldi. Ular ish ENAV fuqaro aviatsiyasi milliy organi, shuningdek, Ryanair, EasyJet va Volotea tomonidan to‘xtatilgani haqida xabar berishdi.

ENAV ma’lumotlariga ko‘ra, ish tashlash mahalliy vaqt bilan soat 14:00 dan soat 18:00 gacha bo‘lib o‘tdi. Uning o‘tkazilishiga aviakompaniyalar va kasaba uyushmalari o‘rtasidagi fuqaro aviatsiyasi sohasida ishchilar huquqlari, mehnat sharoitlari va eng kam ish haqini to‘lash borasidagi ziddiyat sabab bo‘lgan.