Ukraina Turkiya va BMT bilan g‘alla eksporti bo‘yicha kelishuv imzoladi

Ukraina Istanbulda Turkiya va BMT bilan g‘alla eksporti bo‘yicha kelishuv imzoladi, deb xabar berdi «Strana.ua».

Ukraina tomonidan shartnomani mamlakat infratuzilma vaziri Aleksandr Kubrakov imzoladi.

Turkiya va BMT bilan xuddi shunday shartnomani Rossiya ham imzolaydi. Buning uchun Rossiya mudofaa vaziri Sergey Shoygu Istanbulga keldi.

U shuningdek, Turkiya mudofaa vaziri Hulusi Akar bilan muzokara o‘tkazdi.

Avvalroq Ukraina prezidenti ofisi rahbari Mixail Podolyak Kiyev g‘alla bo‘yicha kelishuvni bevosita Moskva bilan imzolamasligini bildirgandi.

Rossiya va Ukraina bilan kelishuvlarni imzolash uchun BMT bosh kotibi Antoniu Guterrish ham Istanbulga keldi.