1 avgustdan mikrohududdan tashqari maktablarga ariza yuborish boshlandi

My.maktab.uz platformasi yoki tizim mobil ilovasi yordamida mikrohududdan tashqari hududda joylashgan maktablarga ariza yuborilgandan so‘ng, belgilangan kun va vaqtda maktabga farzandlar bilan tashrif buyurish kerak bo‘ladi. 

Shu kunga qadar my.maktab.uz platformasi orqali biriktirilgan mikrohudud bo‘yicha 79 152 ariza kelib tushgan bo‘lib, shundan 54 771 nafari arizalari umumta’lim maktablariga qabul qilingan.

Mikrohududdan tashqari maktabga yuborilgan ariza qabul qilinganidan so‘ng, mikrohudud bo‘yicha qabul qilingan mavjud ariza avtomatik ravishda tizim tomonidan o‘chiriladi.

Maktab ma’muriyati zaruriyatga ko‘ra elektron platforma orqali yuborilgan ma’lumotlar haqqoniyligini o‘rganish uchun ota-onalardan shaxsini tasdiqlovchi hujjat va tug‘ilganlik haqidagi guvohnoma asl nusxasini talab etishga haqli.

Qabul jarayonlari bo‘yicha qo‘shimcha ma’lumotlarni @mymaktab_uz telegram-kanali yoki 71 203-07-04 telefon raqami orqali olish mumkin.