Testdan chetlashtirish holatlarining eng ko‘pi Qashqadaryoda kuzatildi

Ma’lum qilinishicha, 2022-2023 o‘quv yili uchun oliy ta’lim muassasalari bakalavriat ta’lim yo‘nalishlariga kirish test sinovlarida 1,1 mlndan ziyod abituriyentdan 1 074 181 nafari ishtirok etdi, 72 563 nafari ishtirok etmagan.

Abituriyentlar 187 nafari hududga kirishda, 249 nafari test sinovi jarayonida tartib-qoidani buzgani sababli test sinovlaridan chetlashtirildi.

Chetlashtirish holatlari aksariyat qismi taqiqlangan vositalar, telefon va shpargalka olib kirish yoki olib kirishga urinish hamda abituriyent o‘rniga boshqa shaxslar kirishga urinishi bilan bog‘liq.

Test sinovi jarayonida chetlashtirish holatlarining 55 tasi — Qashqadaryo viloyati, 35 tasi — Samarqand viloyati, 33 tasi — Farg‘ona viloyati hissasiga to‘g‘ri keladi.

Eng kam qoidabuzarlik holatlari Sirdaryo viloyati (2 ta) va Qoraqalpog‘istonda (4 ta) kuzatildi.