Moody's Buyuk Britaniya bo‘yicha prognozni «salbiy»ga tushirdi
Amerikaning Moody's reyting agentligi Buyuk Britaniya iqtisodiyoti prognozini «barqaror»dan «salbiy»ga tushirdi. Buning sababi - siyosiy notinchlik, zaif o‘sish istiqbollari va yuqori inflatsiya.
Amerikaning Moody's reyting agentligi Buyuk Britaniya iqtisodiyoti prognozini «barqaror»dan «salbiy»ga tushirdi. Agentlik mamlakatning suveren reytingini «Aa3» darajasida qoldirib, London yuqori ehtimollik bilan hali ham qarzlarini to‘lashi mumkinligini taxmin qildi. Biroq, agar joriy tendensiyalar davom etsa, reyting pasaytirilishi mumkin, deb xabar berdi agentlik 21 oktyabr, juma kuni.
Buyuk Britaniyaning kredit reytingi endi, shu jumladan siyosiy notinchlik tufayli ham pasaytirildi. 20 oktyabr kuni Buyuk Britaniya bosh vaziri Liz Trass atigi olti haftalik muddatdan so‘ng lavozimidan iste’foga chiqdi. Muxolifat muddatidan oldin parlament saylovlari o‘tkazilishini talab qilmoqda, ammo bunga erisha olmaydi. Katta ehtimol bilan parlamentda ko‘pchilikni tashkil etgan konservatorlar o‘z saflaridan yangi bosh vazirni saylaydilar – Trassning o‘tmishdoshi Boris Jonson yana bosh vazir bo‘lishi mumkin.
Bularning barchasi funt sterling kursining tushishi, yuqori inflatsiya, xodimlar ish tashlashlari va Britaniya iqtisodiyotining zaif o‘sish istiqbollari fonida sodir bo‘lmoqda. Avvalroq AQShning boshqa reyting agentliklari Fitch va S&P ham Buyuk Britaniya reytingi bo‘yicha o‘z prognozlarini pasaytirgan edi.
Mavzuga oid
01:19
Buyuk Britaniya karbonat angidridni saqlaydigan maydonchalarni yaratishga salkam 30 mlrd dollar ajratadi
20:36 / 03.10.2024
Buyuk Britaniya uzoq yillik bahslardan keyin Chagos orolini Mavrikiyga qaytarib beradi
20:47 / 30.09.2024
Britaniyadagi eng yirik po‘lat ishlab chiqaruvchi Tata Steel o‘z faoliyatini to‘xtatadi
21:52 / 17.09.2024