Erdo‘g‘an: “Biz doimo Ozarboyjonning yonida bo‘lamiz”

Samarqandda bo‘lib o‘tayotgan Turkiy davlatlar sammitida Turkiya prezidenti Rajab Toyyib Erdo‘g‘an ham nutq so‘zladi.

Foto: Prezident matbuot xizmati

“Avvalo mehmondo‘stlik uchun birodar o‘zbek xalqi va rahbariyatiga minnatdorlik bildiraman.

Bilasiz, kelgusi yilda Qorabog‘dagi g‘alabaning ikki yilligi nishonlanadi. Biz doimo Ozarboyjonning yonida bo‘lamiz va qo‘llab-quvvatlashda davom etamiz. Biz barcha Turkiy davlatlar bilan xavfsizlik masalalarida faol hamkorlik qilamiz. Davlatlarimizga tajovuz qilgan terrorchilar qayerga qochmasinlar, hamkorlikda ta’qib qilishda davom etamiz.

Turkiya shu paytgacha juda ko‘p – 5 mln nafarga yaqin qochoqlarni qabul qildi. Biz ularga bundan keyin ham yordam berishda davom etamiz”, – deya Turkiya prezidenti so‘zlaridan iqtibos keltirmoqda Kun.uz muxbiri.

Tayyorlagan: Аброр Зоҳидов

#Rajab Toyyib Erdo‘g‘an #Turkiy Kengash