Eko-faollar Berlin aeroportini bloklab qo‘yishdi
Ekologiya harakati faollari Berlin aeroporti hududiga yorib kirishdi.
«So‘nggi avlod» (Letzte Generation) ekologik harakati faollari Berlin shahridagi Villi Brandt aeroporti hududiga yorib kirib, ikkita uchish-qo‘nish yo‘lagini to‘sib qo‘yishdi.
Ulardan ba’zilari o‘zini asfaltga yelimlagan, boshqalari velosipedda yo‘lak bo‘ylab harakatlangan. Shuningdek, ular «Hukumat buni uddalay olmasa-chi» yozuvli bannerni yoyishgan. Oqibatda samolyotlar parvozi to‘xtatib qo‘yilgan.
Aeroport matbuot xizmati xabariga ko‘ra, qonunbuzarlar aeroport hududidan olib chiqilgan va samolyotlar parvozi tiklangan. Shunday bo‘lsa-da, ba’zi reyslar kechikishi mumkinligi aytilmoqda.
4 noyabr kuni «So‘nggi avlod» faollari Rim shahridagi Bonaparte saroyida mashhur niderlandiyalik rassom Vinsent van Gogning «Ekuvchi» kartinasi ustiga sho‘rva quyishgan edi. 23 oktyabr kuni ular Potsdamdagi Barberini muzeyida Klod Monening «Pichan uyumlari» kartinasini kartoshka pyuresi bilan «bezashdi».
«So‘nggi avlod» faollari bu aksiyalar orqali hukumatlarni iqlim o‘zgarishlariga e’tibor qaratishga va tabiatni asrab qolish uchun zarur choralarni ko‘rishga chaqirmoqda.
Mavzuga oid
15:22 / 02.10.2024
Uchtepada 20ga yaqin ko‘p yillik daraxtlarga zaharli modda quyilgan. Aholi aybdor topilishini xohlaydi
10:50 / 02.10.2024
Toshkent shahrida havo ifloslanishi ortyapti. Ekologiya vazirligi izoh berdi
18:41 / 01.10.2024
Surxondaryoda baliqchilik uchun ruxsatnoma olgan shaxs qum-shag‘al qazib olib, tabiatga katta zarar yetkazdi
21:03 / 27.09.2024