16 dekabrdan yerusti metro liniyasining ishlash vaqti cheklanadi

“Yerusti halqa” yo‘nalishidagi poyezdlar 5:00 dan 23:00 gacha harakatlanadi. Bu haqda “Toshkent metropoliteni” DUK xabar berdi. 

Qayd etilishicha, 16 dekabrdan metro temiryo‘llarida texnik ishlar bajarilib, o‘rnatilgan qurilmalar texnik ko‘rikdan o‘tkaziladi. Shuning uchun bu vaqtdan boshlab metropolitenning “Yerusti halqa yo‘li” yo‘nalishida poyezdlar harakati ma’lum vaqtgacha, ya’ni soat 05:00 dan 23:00 gacha amalga oshiriladi.

“Keltirilgan noqulaylik yuzasidan barcha yo‘lovchilardan uzr so‘raymiz.

Texnik ishlar yakuni bo‘yicha qo‘shimcha ma’lumotlar metropolitenning ijtimoiy tarmoqdagi rasmiy sahifalari orqali beriladi”, – deyiladi “Toshkent metropoliteni”ning rasmiy izohida.