Ayrim hududlarda budjet tashkilotlari xodimlariga har oylik ustama to‘lanadi

Vazirlar Mahkamasining «Uchquduq, Zarafshon, Nurobod shaharlari va Konimex tumanining Zafarobod shaharchasida budjet muassasalari va tashkilotlari xodimlariga muayyan davr ishlaganlik uchun har oyda ustama to‘lash tartibi to‘g‘risidagi nizomni tasdiqlash haqida»gi qarori loyihasi e’lon qilindi.

Qaror loyihasi bilan Uchquduq, Zarafshon, Nurobod shaharlari va Zafarobod shaharchasida budjet muassasalari va tashkilotlari xodimlariga muayyan davr ishlaganlik uchun har oyda ustama to‘lash tartibi to‘g‘risidagi nizom tasdiqlanadi. Loyiha ilovasi 4 ta bob, 13 banddan iborat.

Loyiha ilovasida:

• muayyan davr ishlaganlik uchun to‘lanadigan oylik ustama miqdori;
• oylik ustamalarni amalga oshirish huquqini beruvchi ish staji;
• oylik ustamalarni hisoblash va to‘lash tartibi belgilanadi.

Muayyan davr ishlaganlik uchun to‘lanadigan oylik ustama miqdori oylik tarif stavkasining yoki lavozim maoshining ulushida belgilanadi. 

Xodimlarning budjet tashkilotlarida ishlagan ish staji bo‘yicha quyidagi miqdorda oylik ustamalar to‘lanishi belgilanmoqda: 3 yilgacha - 0,2; 3 yildan 5 yilgacha - 0,5; 5 yildan ortiq - 0,75.