2 aprel kuni Toshkentda ayrim ko‘chalar transport harakati uchun yopiladi

Amir Temur tavalludining 687 yilligi munosabati bilan «Temurbeklar maktabi» hamda «Yosh chegarachi» akademik litseylari o‘rtasida yugurish musobaqasi o‘tkazilishi rejalashtirilgan. 

Toshkent shahar hokimligi xabariga ko‘ra, joriy yilning 2 aprel kuni soat 07:00 dan 10:00 ga qadar qator ko‘chalarda avtotransport vositalarining harakat cheklanadi.

Ko‘chalar ro‘yxati:

Yangizamon ko‘chasining Sayxun ko‘chasidan Eski Sariko‘l ko‘chasigacha bo‘lgan qismi;

Eski Sariko‘l ko‘chasining Yangizamon ko‘chasidan Abu Sulaymon Banokatiy ko‘chasigacha bo‘lgan qismi;

Abu Sulaymon Banokatiy ko‘chasining Eski Sariko‘l ko‘chasidan Abdurauf Fitrat ko‘chasigacha bo‘lgan qismi;

Abdurauf Fitrat ko‘chasining Abu Sulaymon Banokatiy ko‘chasidan Yangizamon ko‘chasigacha bo‘lgan qismi.

Haydovchilardan shu vaqt oralig‘ida aylanma yo‘llardan foydalanish so‘ralgan.