Belgiyada terakt tayyorlashda gumon qilingan chechenlar qo‘lga olindi

Belgiya politsiyasi yetti kishini qo‘lga oldi, ularning aksariyati chechenistonlik. Ular IShIDni qo‘llab-quvvatlaganlikda gumon qilinmoqda.

Foto: AP

Belgiyada IShID terrorchilik guruhini qo‘llab-quvvatlaganlikda va teraktni rejalashtirishda gumon qilingan yetti kishi qo‘lga olindi, deb xabar berdi mamlakat prokuraturasi 4 may, payshanba kuni.

Belgiya matbuotiga ko‘ra, qo‘lga olinganlarning deyarli barchasi chechenistonlik, ulardan uch nafari Belgiya fuqaroligiga ega. "Gap yosh yigirmalar atrofidagi yoshlar haqida ketmoqda, ularning ba’zilari allaqachon mayda jinoyatlar sodir etgan", - deya prokuratura tomonidan qo‘lga olinganlarning tavsifidan iqtibos keltirgan RTBF telekanali.

“Rejalashtirilgan hujumning aniq nishoni hozircha aniqlanmagan”, — deya axborot berdi mamlakat prokuraturasi. Dastlabki ma’lumotlarga ko‘ra, gumonlanuvchilar “Belgiyada joylashgan muassasaga hujum qilish” niyatida bo‘lgan va “qurol-yarog‘ni faol izlagan”, dedi federal prokuratura matbuot kotibi Erik Van Duys.

Gumonlanuvchilarni qo‘lga olish amaliyoti doirasida politsiya mamlakat g‘arbidagi bir qancha shaharlarda to‘qqizta manzilda tintuv o‘tkazdi. “Ehtimoliy ayblovlar - terroristik qotillikka urinish, terroristik guruh faoliyatida ishtirok etish va teraktga tayyorgarlik ko‘rish”, — deyiladi prokuratura xabarida.