Qoʻshimcha funksionallar
-
Tungi ko‘rinish
Ma’muriy sudlarga shikoyat qilishda davlat boji undirilmaydi
O‘zbekistonda, 2024 yil 1 yanvardan boshlab, ma’muriy sudlarga shikoyat qilishda fuqaro va tadbirkorlik sub’yektlaridan davlat bojini undirmaslik, bunda davlat bojini ishni ko‘rib chiqish natijasi bo‘yicha aybdor tarafdan undirish tartibi joriy etiladi.
Foto: Kun.uz
Tegishli qonun loyihasi 2023 yil 1 oktyabrgacha Qonunchilik palatasiga kiritilishi kerak. Bu – yangi tahrirdagi konstitutsiyani ro‘yobga chiqarishga doir prezident farmonida belgilandi.
Bundan tashqari, shartnomaviy va boshqa fuqaroviy-huquqiy munosabatlardan kelib chiqadigan javobgarlik choralari ma’muriy javobgarlik to‘g‘risidagi qonunchilikdan chiqarib tashlanadi. Farmonda bu topshiriq ijrosi uchun 2 oy muddat ko‘rsatilgan.
Mas’ullarga, 2024 yil 1 yanvarga qadar, qonunchilik bazasini to‘liq xatlovdan o‘tkazib, unda belgilangan huquqiy ta’sir choralarini mutanosiblik prinsipiga muvofiqlashtirish bo‘yicha takliflar kiritish topshirildi.
Shuningdek, yangi tahrirdagi konstitutsiyaning 29-moddasida belgilangan davlatning huquqbuzarliklardan jabrlanganlarga yetkazilgan zararning o‘rni qoplanishi uchun shart-sharoitlarni yaratish majburiyati to‘liq ro‘yobga chiqarilishini ta’minlashga qaratilgan mexanizmlarni nazarda tutuvchi prezident qarori loyihasi ishlab chiqiladi. Loyiha 2 oy muddatda prezident administratsiyasiga kiritilishi zarur.
Mavzuga oid
14:43 / 26.11.2025
“Xodimlarim soliqchining uyiga kirishdan avval eshikni taqillatishgan” – sobiq IIB boshlig‘i Akmal Xo‘jayev ko‘rsatmasi tinglandi
14:58 / 19.11.2025
Fuqarolik va iqtisodiy nizolarni ko‘rish tartibi soddalashtiriladi
17:33 / 18.11.2025
Poytaxt IIBBning 8 nafar tezkor xodimi fuqaroning 233 ming dollar mablag‘ini zo‘rlik ishlatib tortib olgani ma’lum bo‘ldi
17:36 / 16.11.2025