Baxmut atrofida AFP jurnalisti halok bo‘ldi

Ukraina sharqida Agence France-Press (AFP) agentligi operatori Arman Solden halok bo‘ldi. Bu haqda agentlik tvitterida xabar berilgan.

Solden Baxmut yaqinidagi Chasiv Yar shahri atrofi o‘qqa tutilishi vaqtida halok bo‘lgan.

Jurnalistning ijtimoiy tarmoqlardagi postlaridan kelib chiqilsa, may oyi boshida u Baxmut hududida bo‘lgan. U Rossiya harbiylarining shaharga zarbalari, shuningdek, shaharda qolgan aholi hayoti haqida hikoya qilgan.

Rossiya harbiylari Chasiv Yarni 9 may kuni o‘qqa tutgani haqida shahar rahbari Sergey Chaus xabar bergan. U bu zarbalar vaqtida bir kishi halok bo‘lganini ma’lum qilgandi.

«Suspilne» nashri ma’lumotiga ko‘ra, Arman Solden Rossiyaning Ukrainaga bosqini davomida halok bo‘lgan o‘ninchi jurnalistga aylandi.