Gretsiyadagi parlament saylovlarida hukmron partiya g‘alaba qozondi

Gretsiya Ichki ishlar vazirligi ma’lumotlariga ko‘ra, hukmron konservativ “Yangi demokratiya” partiyasi 40,8 foiz ovoz olgan.

Kiriakos Mitsotakis Foto: Ayhan Mehmet/AA/picture alliance

Gretsiyada bo‘lib o‘tgan parlament saylovlarida hukmron konservativ “Yangi demokratiya” (ND) partiyasi yirik g‘alabaga erishdi. 22 may, dushanbaga o‘tar kechasi mamlakat Ichki ishlar vazirligi xabar qilganidek, Gretsiyaning amaldagi bosh vaziri Kiriakos Mitsotakisning partiyasini saylovchilarning 40,8 foizi qo‘llab-quvvatladi.

Biroq, bu ND hukumatni mustaqil ravishda shakllantirishi uchun yetarli emas. Avvalroq Mitsotakis boshqa partiyalar bilan koalitsiya tuzish niyatida emasligini ma’lum qilgandi. Agar u o‘z fikridan qaytmasa, iyun oxiri yoki iyul oyining boshida takroriy saylovlar o‘tkaziladi.

Gretsiyada bo‘lib o‘tgan parlament saylovlarida ovoz berishning dastlabki natijalariga ko‘ra, ikkinchi o‘rinda 20,1 foiz ovoz bilan muxolifatning asosiy uyushmasi – sobiq bosh vazir Aleksis Tsiprasning Radikal so‘l kuchlar koalitsiyasi turibdi.

Umumgrek sotsialistik harakati (PASOK) 20,1 foiz ovoz (saylovda uchinchi o‘rin) to‘pladi.

https://www.dw.com/ru/v-grecii-pravasaa-partia-pobedila-na-parlamenskih-vyborah/a-65693205