Samarqandda maktab o‘quvchisi mashina boshqarib odam urib ketdi
15 yoshli bola otasining mashinasi bilan tezlikni me’yordan oshirgan holda harakatlangan.
Hodisa 2023 yil 16 may kuni soat 21:30 larda Samarqand shahar I.Holdun ko‘chasida sodir bo‘lgan. Bu haqda viloyat IIB YHXB xabar bermoqda.
Samarqand shahrida yashovchi 15 yoshli o‘smir otasiga tegishli bo‘lgan mashinani boshqarib, tezlikni me’yordan oshirgan va yo‘lni kesib o‘tayotgan 1971 yilda tug‘ilgan fuqaroni urib yuborgan.
Oqibatda fuqaro tan jarohatlari olib Respublika shoshilinch tibbiy yordam ilmiy markazi Samarqand filialiga yotqizilgan.
Ijtimoiy tarmoqlarda hodisa tasvirlangan video tarqaldi. Unda o‘smir odam urib yuborgandan so‘ng to‘xtamasdan harakatlanishda davom etganini ko‘rish mumkin.
Qayd etilishicha, mazkur holat yuzasidan Samarqand shahri bo‘yicha IIO FMB JXX YHXB tomonidan surishtiruv ishlari olib borilmoqda.
Mavzuga oid
17:51
Yo‘llarda avariyalar ko‘paydi, tezlik haydovchilarni qotilga aylantirmoqda
14:57
Samarqandda yangi 1 800 o‘rinli maktab binosi sifatsiz qurilayotgani aniqlandi
14:33
Qoraqalpog‘istondagi YTHda velosiped haydovchisi halok bo‘ldi
22:21 / 03.10.2024