Rossiya birinchi marta Ukrainada Leopard tanklari yo‘q qilinganini bildirdi

Xabarda aytilishicha, Ukraina Qurolli kuchlari Janubiy Donetsk yo‘nalishida, ya’ni Ukrainaning Donetsk va Zaporijjya viloyatlari ma’muriy chegarasida oldinga siljishda davom etgan. «Ukraina Qurolli kuchlarining hujumkor bo‘linmalari va harbiy qismlari katta zarar ko‘rdi», dedi Mudofaa vazirligi matbuot kotibi Igor Konashenkov. 

Uning so‘zlariga ko‘ra, Ukraina tomonining bu yo‘nalishdagi umumiy yo‘qotishlari bir yarim mingdan ortiq odamni, 28 ta tankni, jumladan, sakkizta Leopard nemis va uchta AMX-10 fransuz tanki, shuningdek, 109 ta zirhli jangovar texnikani tashkil qilgan. Ushbu bayonotning haqiqiyligini tekshirishning iloji yo‘q. 

Rossiya Mudofaa vazirligi 4 iyun kuni Ukraina armiyasi Janubiy Donetsk yo‘nalishida keng ko‘lamli hujumni boshlaganini, biroq Rossiya Qurolli kuchlari hujumlarni qaytarganini bildirmoqda.