Surxondaryoda 100 yoshli otaxon saylov uchastkasiga o‘zi borib ovoz berdi

U saylovga 95 yoshli turmush o‘rtog‘i va 15 nafar oila a’zosi bilan birgalikda borgan.

Surxondaryoliklar ham muhim siyosiy tadbir – O‘zbekiston Respublikasi Prezidenti saylovida faol ishtirok etishmoqda. Saylov uchastkalaridan saylovchilarning qadami uzilmayapti.

Hatto nuroniy otaxonlar-u onaxonlarning o‘zlari oila a’zolari bilan saylov uchastkasiga kelib, o‘z nomzodiga ovoz berishmoqda.

Jumladan, viloyatning Denov tumanida joylashgan 690-saylov uchastkasida Chim mahallasida yashovchi, 100 yoshni qarshilagan Xurram bobo Eshqobilov ovoz berdi. U saylovga 95 yoshli turmush o‘rtog‘i Urpiya momo Eshqobilova hamda 15 nafar oila a’zosi bilan birgalikda tashrif buyurgan.

Saylov uchastkasiga raisi Jamshid Pardayevga ko‘ra, mazkur uchastkada 2 423 nafar fuqaro saylovida ovoz berishi uchun ro‘yxatga olingan. 116 nafar saylovchi muddatidan oldin ovoz bergan.

Tayyorlagan: Руслан Сабуров

#saylov #Surxondaryo viloyati

O‘zbekistonda 2023 yil 9 iyul kuni muddatidan ilgari prezidenti saylovi bo‘lib o‘tadi. Yangilangan Konstitutsiyaga ko‘ra, prezident vakolat muddati hozirgi 5 yildan 7 yilga oshirilgan.