Hukumat davlat muassasalari to‘g‘risidagi nizomni tasdiqladi

Vazirlar Mahkamasi qarori bilan davlat muassasalari to‘g‘risidagi nizom tasdiqlandi.

Foto: Kun.uz

Hujjat prezidentning 2022 yil 8 fevraldagi “Davlat muassasalarini isloh qilishni jadallashtirish chora-tadbirlari to‘g‘risida”gi qaroriga muvofiq ishlab chiqilgan.

Nizom, xususan, quyidagilarni belgilaydi:

davlat muassasasining huquqiy maqomi;
davlat muassasasining huquqlari, majburiyatlari va javobgarligi;
davlat muassasasini tashkil etish, qayta tashkil etish va tugatish, filiallari va vakolatxonalarini tashkil etish tartibi;
davlat muassasaci faoliyatining ochiqligi va oshkoraligini ta’minlash tamoyillari;
davlat muassasasi faoliyatini nazorat qilish tartibi.

Davlat muassasasi monopoliyaga qarshi organning dastlabki roziligi olingandan so‘ng tashkil etiladi.