O‘zbekiston 6 oyda eng ko‘p Xitoydan elektromobil import qildi

Statistika agentligining dastlabki ma’lumotlariga ko‘ra, O‘zbekiston 6 oyda eng ko‘p Xitoydan elektromobil import qilgan.

O‘zbekiston 2023 yilning yanvar-iyun oylarida 10 ta xorijiy davlatdan qiymati 167 mln AQSh dollariga 5 403 ta elektromobil import qilgan.

Elektromobillar importi o‘tgan yilning mos davri bilan solishtirilganda 4289 taga yoki qariyb 5 barobarga oshgan.

6 oyda eng ko‘p elektromobil import qilingan davlatlar:

— Xitoy – 4 956 ta;
— Hongkong – 348 ta;
— Germaniya – 57 ta;
— BAA – 16 ta;
— Koreya – 12 ta;
— AQSh – 7 ta.