O‘zbekiston va YeI Afg‘oniston bo‘yicha maslahatlashuvlarni davom ettirish niyatida

TIV ma’lumotiga ko‘ra, suhbat chog‘ida O‘zbekiston va Yevropa Ittifoqining afg‘on inqirozini tinch yo‘l bilan hal etish, mamlakatga tezkorlik bilan humanitar va boshqa yordam ko‘rsatish borasidagi sa’y-harakatlari muhokama qilindi.

Afg‘on muammosini tartibga solish va xalqaro sa’y-harakatlarni muvofiqlashtirishda BMTning yetakchi roli muhimligi ta’kidlandi.

Tomonlar afg‘on muammosi bo‘yicha ham ikki tomonlama asosda, ham Markaziy Osiyo davlatlarining maxsus vakillari darajasida maslahatlashuvlarni davom ettirishdan o‘zaro manfaatdor ekanini bildirdi.