Vengriya prezidenti Ukrainani muzokaralar stoliga o‘tirishga chaqirdi

Katalin Novak Volodimir Zelenskiy bilan uchrashuvda Ukraina prezidentiga muzokaralar zarurligini ta’kidladi. Budapesht barqaror tinchlik o‘rnatishga qodir bo‘lgan harbiy yechimni ko‘rmayapti.

Foto: Global Look Press

Rossiya qo‘shinlarining harbiy harakatidan o‘zini himoya qilayotgan Ukraina Moskva bilan muzokaralarda ishtirok etishi kerak. Vengriya prezidenti Katalin Novak 28 avgust, dushanba kuni chop etilgan Index nashriga bergan intervyusida shunday fikr bildirdi. «Urush bir yarim yildan beri davom etmoqda, men barqaror va uzoq muddatli tinchlikka olib keladigan hech qanday harbiy yechimni ko‘rmayapman. Shuning uchun muzokaralar stoliga o‘tirish kerak. Men buni Ukraina prezidenti Volodimir Zelenskiyga ham ochiq, ham shaxsan bildirdim», — dedi Vengriya davlati rahbari.

Shu bilan birga, Budapesht Kiyev tashabbusi bilan boshlangan «tinchlik formulasi»ga qo‘shilish niyatida, deya qo‘shimcha qildi Novak. Uning so‘zlariga ko‘ra, Vengriya tinchlikni yaqinlashtiradigan har qanday jarayonda ishtirok etishni muhim deb biladi. Vengriya Rossiya harbiy harakatlarini keskin qoralaydi, dedi davlat rahbari.

23 avgust kuni Vengriya prezidenti Ukrainadagi Qrim platformasi forumida ishtirok etdi, shuningdek, ukrainalik hamkasbi bilan muzokaralar o‘tkazdi. Rasmiy Kiyevga ko‘ra, yetakchilar ikki tomonlama munosabatlar, transchegaraviy hamkorlik va Karpatorti mintaqasidagi qo‘shma tashabbuslarni muhokama qilgan.

Tayyorlagan: Отабек Матназаров

#Vengriya #Ukraina