13:30 / 03.09.2023

Kramatorsk o‘qqa tutilishi va Donbassdagi rus tankchilari. Urush suratlari

Ukrainada urushning 556-kuni o‘tdi. Asosiy ma’lumotlar:

Ukraina hamon Rossiyada ishlashda davom etayotgan PepsiCo va Mars’ni «urush homiylari» deb e’lon qildi.
Ukraina prezidenti ofisi maslahatchisi Mixaylo Podolyak Rossiya hududlari bo‘ylab dronlar hujumlari soni ortib borishini ma’lum qildi: «Bu urushning harbiy harakatlar bosqichma-bosqich Rossiya Federatsiyasi hududiga ko‘chadigan bosqichi».
Ukraina o‘z qarshi hujumida muvaffaqiyatsizlikka uchramadi, balki oldinga yurishda davom etmoqda, dedi CNN uchun intervyusida mamlakat tashqi ishlar vaziri Dmitro Kuleba. Juma kuni Oq uy Ukraina so‘nggi kunlarda mamlakat janubidagi yurishida sezilarli natijalarga erishgani haqida xabar bergandi.
2 sentabrga o‘tar kechasi ukrain dengiz dronlari Qrim ko‘prigiga hujum qilish uchun uch bor urinishni amalga oshirdi, deb xabar bermoqda RF mudofaa vazirligi.
Reuters agentligi aniqlashicha, AQSh keyingi haftada Kiyevga uran bilan boyitilgan zirh teshuvchi snaryadlar yetkazib berishni rejalashtirmoqda.
NATO mamlakatlari mashg‘ulotlar vaqtida ilk bor Rossiyaning Boltiq dengizi tomondan qilinadigan hujumini qaytarish bo‘yicha mashqlar o‘tkazdi.
Ukraina xavfsizlik xizmati biznesmen Igor Kolomoyskiyni firibgarlik va jinoiy yo‘l bilan qo‘lga kiritilgan mulkni legallashtirish ishida gumonladi, sud uni ikki oy muddatga hibsga olish bo‘yicha qaror chiqardi.

Kramatorsk o‘qqa tutilishi

2 sentabr kuni kunduzi Kramatorsk raketa zarbasiga yo‘liqdi. Donetsk oblasti harbiy ma’muriyati rahbari Pavel Kirilenkoga ko‘ra, zarba vaqtida to‘rtta uy, mahalliy qabristondagi 20 qabr va yo‘l qoplamasi shikastlangan. Raketalardan biri turar joy binosining birinchi qavatidagi kvartiraga tushgan, ammo portlamagan. Dastlabki ma’lumotlarga ko‘ra, tinch aholi orasida jabrlanganlar yo‘q.