Buxoroda hokim yordamchisi o‘zgalar nomiga kredit rasmiylashtirgani aniqlandi
Viloyat prokuraturasi jinoyat ishini ochib, uni qamoqqa olgan.
Buxoro shahri, Abu Ali ibn Sino mahallasidagi hokim yordamchisi A.S. o‘zgalar nomiga 163 mln so‘m kredit rasmiylashtirib, pullarni talon-toroj qilgan. Bu haqda Buxoro viloyati prokuraturasi xabar berdi.
Qayd qilinishicha, A.S. mahalla hududida yashamaydigan va faoliyat ko‘rsatmaydigan 5 nafar fuqaro nomiga mototransport vositasi hamda ichimlik suvini qayta ishlash apparatini sotib olish uchun 33 mln so‘mdan, jami 163 mln so‘mlik imtiyozli kredit ajratilishiga erishib, ularni o‘zlashtirish yo‘li bilan talon-toroj qilgan.
Hokim yordamchisi Jinoyat kodeksining 167-moddasi 3-qismi «g» bandi (Kompyuter texnikasi vositalaridan foydalanib sodir etilgan o‘zlashtirish yoki rastrata yo‘li bilan talon-toroj qilish), 209-moddasi 1-qismi (Mansab soxtakorligi) va 209-moddasi 2-qismi «a» bandi (Takroran yoki xavfli retsidivist tomonidan sodir etilgan mansab soxtakorligi) bilan ayblanuvchi tariqasida jalb qilinib, «qamoqqa olish» tarzidagi ehtiyot chorasi qo‘llangan. Viloyat prokuraturasi mazkur jinoyat ishi tergovini alohida nazoratga olgani aytilmoqda.
Mavzuga oid
22:36 / 26.09.2024
Chirchiq daryosining 6 km qismida dam olish hududi barpo etiladi
16:40 / 25.09.2024
Surxondaryoda hokim yordamchisi fuqarolar nomiga kredit olib, yo‘qolib qoldi. Bunga shaxs aybdormi yoki tizginsiz tizim?
07:50 / 21.09.2024
O‘zbekistonda 263 dona qadimiy tangani Turkiyaga yashirincha olib ketayotgan shaxs ushlandi
13:54 / 10.09.2024