“Temurbeklar maktabi”ga ayollar ham qabul qilinadi

2024-2025-o‘quv yilidan Milliy gvardiya Toshkent “Temurbeklar maktabi” harbiy-akademik litseyiga ayollarni qabul qilish imkoniyati yaratiladi.

Foto: Prezident matbuot xizmati

Prezident qarori bilan ayrim hujjatlarga qo‘shimcha va o‘zgartirishlar kiritildi.

Unga ko‘ra:

2024-2025-o‘quv yilidan Milliy gvardiya Toshkent “Temurbeklar maktabi” harbiy-akademik litseyiga ayol jinsidagi O‘zbekiston fuqarolarini qabul qilish imkoniyati yaratiladi;

Milliy gvardiya Qo‘riqlash bosh boshqarmasi Bolalar psixologiyasi markazi ishchi va xizmatchilarining lavozim maoshlari oshiriladi.

Milliy gvardiya Qo‘riqlash bosh boshqarmasi mablag‘lari hisobidan Milliy gvardiya bo‘linmalari va harbiy qismlarining obektlariga quyosh fotoelektr stansiyalari va quyosh suv isitish qurilmalari bosqichma-bosqich o‘rnatiladi.

#ayol #Temurbeklar maktabi