“Amir Bahodir Yalangto‘sh” tarixiy filmining treyleri e’lon qilindi

O‘zbek kinoijodkorlari Samarqand amiri, atoqli sarkarda, Registon bunyodkori Amir Bahodir Yalangto‘shga bag‘ishlangan tarixiy badiiy film ishladi. Film premerasi Navro‘z bayrami arafasiga reja qilingan.

Foto: Videodan kadr

Jahongir Ahmedov rejissyorligidagi “Amir Bahodir Yalangto‘sh” filmining jang sahnalari “Nomad Stan’s” xalqaro kaskadyorlar jamoasi ishtirokida suratga olingan. Bu jamoa xalqaro kaskadyorlar akademiyasi mukofoti “Taurus”ga sazovor bo‘lgan.

Jamoa ko‘plab Hollivud filmlarida jang sahnalarini qo‘yishda ishlagan bo‘lib, ularning so‘nggisi rejissyor va prodyuser Ridli Skotning “Napoleon” filmi hisoblanadi.