Toshkentda 15 ta avtomashina ishtirokida YTH sodir bo‘ldi

Yashnobod tumanida 15 ta avtomashina ishtirokida sodir bo‘lgan YTH bo‘yicha ma’lumot taqdim etildi.

{Yii::t(}

O'tkazib yuborish 6s

O'tkazib yuborish

Joriy yilning 4 aprel kuni soat 11:00 larda Yashnobod tumani Maxtumquli ko‘chasida yirik yo‘l-transport hodisasi qayd etildi.

Toshkent shahar IIBB YHXB xabariga ko‘ra, “Kamaz” rusumli tirkamali yuk avtomashinasi hamda 14 ta yengil avtomashina: 3 ta Cobalt, 2 ta BYD, 1 ta Tracker-2, 1 ta Spark, 1 ta Damas, 1 ta Nexia-2, 1 ta Nexia-3, 1 ta Cherry, 3 ta Lacetti ishtirokida yo‘l-transport hodisasi sodir bo‘lgan.

Holat yuzasidan Toshkent shahar IIBB YHXB mas’ul xodimlari tomonidan surishtiruv harakatlari olib borilmoqda.

YTH oqibatida 2 nafar fuqaroga tez tibbiy yordam xodimlari tomonidan birinchi yordam ko‘rsatilgan.

“Barcha haydovchilardan belgilangan qoidalarga amal qilishni hamda oraliq masofani saqlab harakatlanishni so‘raymiz”, deyiladi xabarda.