Qoʻshimcha funksionallar
-
Tungi ko‘rinish
Eron maxsus kuchlari isroillik milliarderga tegishli kemani qo‘lga oldi
Kema isroillik milliarder Eyal Ofer kompaniyasiga tegishli. Isroil Tashqi ishlar vazirligi Eronni qaroqchilikda aybladi.
Foto: AP
Eron Hurmuz bo‘g‘ozida Portugaliya bayrog‘i ostidagi MSC Aries konteyner tashuvchi kemani qo‘lga oldi.
Kema Birlashgan Arab Amirliklaridan Hindistonga suzib ketayotgan edi. Qo‘lga olingandan so‘ng, tanker Eron hududiy suvlariga yo‘l olgan.
MSC Aries kemasi isroillik milliarder Eyal Oferning Zodiac Group kompaniyasi tarkibiga kiruvchi Londonning Zodiac Maritime kompaniyasiga tegishli.
Isroil Tashqi ishlar vazirligi Eronni qaroqchilikda aybladi va jahon hamjamiyatini Islom inqilobi qo‘riqchilari korpusini (IIQK) terrorchi tashkilot deb e’lon qilishga chaqirdi.
Hujumdan keyin Isroil Mudofaa kuchlari (TsAHAL) vakili Eron «vaziyatni yanada keskinlashtirishga qaratilgan qarorlar uchun javobgar bo‘lishini» aytdi. Biroq TsAHAL vakili voqeani to‘g‘ridan-to‘g‘ri tilga olmadi.
Isroil 1 aprel kuni Eronning Suriyadagi konsulligiga raketa zarbasini berdi, oqibatda bir necha yuqori martabali IIQK zobiti halok bo‘ldi. Tehron bu harakatlarga javob qaytarishga va’da berdi.
Eron muntazam ravishda o‘z qirg‘oqlarida kemalarni qo‘lga oladi. 2024 yil yanvar oyida Amerikaning St.Nikolas neft tankeri Ummon ko‘rfazida qo‘lga olindi. Eron hukumati tanker «sud qaroriga asosan» hibsga olinganini ma’lum qildi.
Mavzuga oid
10:30 / 23.11.2024
Xalqaro sud qarori: Netanyahu va Gallant hibsga olinsa nima bo‘ladi?
22:51 / 22.11.2024
Xalqaro jinoyat sudining orderi Isroilni nega qo‘rqityapti?
19:45 / 22.11.2024
Norvegiyada AQSh elchixonasi qo‘riqchisi josuslikda gumonlanib qo‘lga olindi
14:54 / 22.11.2024