Toshkentda eng ko‘p qaysi hudud haydovchilari yo‘lovchilarni tashiyotgani aytildi

Poytaxtda Qashqadaryo, Farg‘ona va Toshkent viloyati haydovchilari yo‘lovchilarni onlayn-agregatorlar orqali tashimoqda.

Foto: Kun.uz

6 ta onlayn taksi agregatorlari soliq organlarining axborot tizimlari bilan integratsiyalashdi.

Soliq qo‘mitasi xabariga ko‘ra, ushbu agregatorlar orqali yo‘nalishsiz taksi faoliyati bilan shug‘ullanayotgan o‘zini o‘zi band qilgan haydovchilarga tegishli bo‘lgan 199,1 mingta avtomobil mavjud.

Shundan 64 foizi Toshkent shahrida harakatlanadi. Ularning aksariyati quyidagi hududlarga to‘g‘ri keladi:

▫️Toshkent shahri (avtomobil raqami kodi 01) - 54,6 foiz;
▫️Toshkent viloyati (avtomobil raqami kodi 10) - 17,9 foiz;
▫️Qashqadaryo viloyati (avtomobil raqami kodi 70) - 5 foiz;
▫️Farg‘ona viloyati (avtomobil raqami kodi 40) - 3,3 foiz.

Tayyorlagan: Отабек Матназаров

#haydovchi #taksi