Telegram o‘z ichki valutasini joriy qildi
Telegram Stars deb nomlangan raqamli valutani elektron kitoblar va onlayn kurslardan tortib to o‘yinlardagi mahsulotlargacha har qanday raqamli tovarlarga sarflash mumkin.
Telegram asoschisi Pavel Durov messenjerda ichki valuta ishga tushirilganini e’lon qildi. U Telegram Stars deb nomlanadi va undan botlar va mini-ilovalarda raqamli xizmatlarga haq to‘lash uchun foydalanish mumkin.
Kompaniya blogida xabar qilinganidek, «yulduzlar» Apple va Google marketlarida ilova ichidagi xaridlar tizimi orqali yoki PremiumBot yordamida xarid qilinadi. Uni Telegram platformasidagi elektron kitoblar va onlayn kurslardan tortib to o‘yinlardagi mahsulotlargacha har qanday raqamli tovarlarga sarflash mumkin.
Mini-ilova ishlab chiquvchilari to‘plangan «yulduzlarni» keyinchalik Fragment platformasi orqali Toncoin kriptovalutasida chiqarib olishi mumkin bo‘ladi. Shuningdek, Telegram ilovalarini yanada targ‘ib qilish uchun ichki valutadan foydalanish mumkin.
Mavzuga oid
16:07 / 22.08.2024
Muomaladagi naqd pul miqdori birinchi marta 50 trln so‘mdan oshdi
11:36 / 04.08.2024
Bitcoin va dollar arzonlashdi, oltin qimmatlashdi – xalqaro moliya bozori sharhi
21:38 / 10.07.2024
Rossiya Markaziy banki valuta bozori to‘liq Xitoyga tobe bo‘lib qolganini ta’kidladi
10:49 / 09.07.2024