G‘azoda halok bo‘lganlar soni 38 mingdan oshdi

Jarohatlanganlar soni 88 mingga yaqinlashdi.

Foto: AP

Isroilning hujumlari natijasida G‘azoda halok bo‘lganlar soni 38 098 kishiga yetdi. Bu haqda G‘azo sog‘liqni saqlash vazirligi xabar berdi.

Ta’kidlanishicha, so‘nggi 24 soat ichida G‘azo bo‘lgasida qurbonlar soni 29 kishiga ortgan.

Urush boshlangan vaqtdan beri G‘azoda jarohatlanganlar soni esa 87 705 kishiga yetgan.

Ba’zi jarohatlanganlar hamon vayronlar ostida yoki yetib borish mushkul bo‘lgan hududlarda qolib ketmoqda, shu sababdan tez yordam va fuqarolik mudofaa guruhlari ularning yoniga yetib bora olmayapti, deyiladi G‘azo SSV xabarida.

Isroilning G‘azodagi urushi 2023 yil 7 oktyabrida HAMAS tomonidan Isroil hududiga hujum qilinishiga javoban boshlangandi. O‘shanda 1,2 mingdan ortiq isroilliklar halok bo‘lgan, ularning aksar qismini tinch aholi vakillari tashkil etgandi, bundan tashqari 253 kishi garovga olingandi.

Isroil armiyasi G‘azoga bostirib kirishi va aviazarbalar oqibatida sektorning katta qismi vayronaga aylangan.

#Isroil #G‘azo #Hamas

2023 yil 7 oktyabr kuni G‘azo bo‘lgasidagi Hamas kuchlari Isroilga yoppasiga raketa zarbalari berib, chegaradagi aholi punktlarini egallay boshladi. Bunga javoban Isroil qo‘shinlari G‘azo bo‘lgasiga bostirib kirdi. Bu safargi eskalatsiya avval kuzatilmagan darajada ko‘p qurbonlarga olib keldi.