Masqatdan O‘zbekistonga to‘g‘ridan to‘g‘ri havo qatnovi yo‘lga qo‘yiladi

O‘zbekiston elchisi Abdusalom Hotamov Ummonning Salam Air aviakompaniyasi ijrochi direktori Adrian Xamilton-Maans bilan muzokara o‘tkazdi.

Foto: "Dunyo" AA

"Dunyo" xabariga ko‘ra, muloqot chog‘ida O‘zbekiston va Ummon o‘rtasida to‘g‘ridan to‘g‘ri havo qatnovlarini yo‘lga qo‘yish istiqbollari muhokama qilindi.

Adrian Xamilton-Maans mamlakatlar o‘rtasida to‘g‘ridan to‘g‘ri aviaqatnovlarning yo‘lga qo‘yilishi ikki tomonlama savdo-iqtisodiy hamkorlikni rivojlantirish va sayyohlar almashinuvining keskin oshishiga xizmat qilishini ta’kidladi.

Uchrashuv yakunida Masqatdan O‘zbekiston shaharlarining biriga havo qatnovlarini amalga oshirish bo‘yicha muloqotni davom ettirish to‘g‘risida kelishib olindi.