Kaluga viloyatida harbiy vertolyot halokatga uchradi

Rossiya harbiylariga qarashli Mi-28 vertolyoti Kaluga viloyatining Jizdra tumanida halokatga uchradi. Bu haqda 25 iyul, payshanba kuni viloyat gubernatori Vladislav Shapsha o‘zining Telegram-kanalida ma’lum qildi. Jizdra tumani rahbari Aleksandr Baribin vertolyot Klenki qishlog‘i yaqinida o‘rmonli hududga qulaganini ma’lum qildi.

Rossiya Mudofaa vazirligi halokat haqidagi ma’lumotni tasdiqladi. Departament ma’lumotlariga ko‘ra, samolyot halokati natijasida ekipaj halok bo‘lgan. Mi-28 ekipaji ikki kishidan iborat. 

Mudofaa vazirligi, shuningdek, Mi-28 odamlar bo‘lmagan hududga qulagani va uning qulaganidan keyin yerda hech qanday vayronalar kuzatilmaganini qo‘shimcha qildi. 

Departament ma’lumotlariga ko‘ra, vertolyot halokatining dastlabki sababi texnik nosozlik bo‘lgan. Uning qulagan joyida Harbiy-kosmik kuchlar komissiyasi va favqulodda xizmatlar ishlamoqda. 

Mi-28 hujumkor vertolyoti bo‘lib, zirhli texnikalar, muhandislik istehkomlari va havo nishonlarini qidirish, yo‘q qilish uchun mo‘ljallangan. Shuningdek, hududni patrul qilish va razvedka uchun ham foydalaniladi.