Samarqandda Nexia-2 mashinasi yonib ketdi
Nexia-2 yo‘l chetida yoqilg‘isi tugab to‘xtab turgan Volga mashinasiga kelib urilgan va yong‘in chiqqan.
Samarqand shahrida sodir bo‘lgan yo‘l-transport hodisasi oqibatida Nexia mashinasi yonib ketdi. Viloyat IIB YHXB axborot xizmatining xabar berishicha, hodisa 2024 yil 4 sentabr kuni sodir bo‘lgan.
Nexia-2 shaharning Bo‘stonsaroy ko‘chasida harakatlanib kelib yo‘lning o‘ng tomonida yoqilg‘isi tugab to‘xtab turgan "Volga" mashinasining orqa qismiga kelib urilgan.
Oqibatda Nexia-2da yong‘in sodir bo‘lgan va mashinaning asosiy qismi yonib ketgan. Yong‘in Samarqand shahar FVB xodimlari tomonidan o‘chirilgan. Hodisada hech kim tan jarohati olmagan va vafot etmagan.
Qayd etilishicha, holat yuzasidan Samarqand shahri bo‘yicha IIO FMB JXX YHXB tomonidan dastlabki surishtiruv ishlari olib borilmoqda.
Mavzuga oid
14:00 / 18.09.2024
Toshkentda uchta avtomobil ishtirokida YTH sodir bo‘ldi
13:57 / 18.09.2024
Surxondaryoda sodir bo‘lgan YTHda uch nafar sinfdosh yigit halok bo‘ldi
07:30 / 17.09.2024
Toshkentda yo‘l chetidagi temir to‘siqqa urilgan Cobalt aylanib ketdi
21:00 / 16.09.2024