Shavkat Mirziyoyev Ashxobodga yetib bordi

Davlat rahbarini aeroportda Turkmaniston vazirlar mahkamasi raisining o‘rinbosari Tangriguli Ataxalliyev va boshqa rasmiy shaxslar kutib oldi.

Asosiy tadbirlar bugun, 11 oktyabr kuni bo‘lib o‘tadi.

O‘zbekiston yetakchisi turkman shoiri va mutafakkiri Maxtumquli Firog‘iy tavalludining 300 yilligiga bag‘ishlangan “Zamon va sivilizatsiyalarning o‘zaro bog‘liqligi – tinchlik va taraqqiyot asosi” xalqaro forumining yalpi majlisida nutq so‘zlaydi.

Davlat rahbari tadbir doirasida ikki tomonlama uchrashuvlar ham o‘tkazadi.