Xalqaro shartnomalar bo‘yicha mas’ul organlar ro‘yxatiga o‘zgartirish kiritilmoqda

Prezident tomonidan «O‘zbekiston prezidentining ayrim hujjatlariga o‘zgartirish va qo‘shimchalar kiritish to‘g‘risida»gi farmon imzolandi.

O‘zbekistonning xalqaro shartnomalar va xalqaro tashkilotlarga a’zolik bo‘yicha majburiyatlarni bajarishga mas’ul davlat organlari va boshqa tashkilotlar ro‘yxatiga kiritilayotgan o‘zgartirishlarga ko‘ra, Iqtisodiyot va moliya vazirligi quyidagi uchta xalqaro tashkilotlariga badallar to‘lovchisi hisoblanadi:

Shaffoflik va soliq maqsadlarida axborot almashinuvi bo‘yicha global forum;
Pensiya va ijtimoiy jamg‘armalar xalqaro assotsiatsiyasi;
Xalqaro ijtimoiy ta’minot uyushmasi.

Sug‘urta nazoratchilari xalqaro uyushmasi va Qimmatli qog‘ozlar komissiyalari xalqaro tashkilotiga badallarni vaqtida to‘lash majburiyati Istiqbolli loyihalar milliy agentligi (ILMI) zimmasiga yuklatilmoqda. Bunda alohida hollarda ILMI o‘z mablag‘lari hisobidan keyinchalik Davlat budjeti hisobidan qoplagan holda badal to‘lash huquqiga ega.

Tayyorlagan: Отабек Матназаров

#shartnoma #organ