Toshkent viloyatida 60 mingdan ortiq pirotexnika vositalari ushlab qolindi

Toshkent viloyati IIBB xodimlari tomonidan pirotexnika vositalarining noqonuniy muomalasini oldini olishga qaratilgan nazorat-reyd tadbirlari davom etmoqda.

Foto: IIBB

Viloyat IIBB xabar qilishicha, Ohangaron tumanida YPX inspektorlari tomonidan 1987 yilda tug‘ilgan haydovchi (U.B.) boshqaruvida bo‘lgan Isuzu yuk mashinasi tekshirilgan.

Natijada avtomobildagi yuklar orasiga yashirilgan holda, qiymati 30 mln so‘mlik jami 2 900 dona pirotexnika vositalari olib o‘tilayotganligi aniqlangan.

Shuningdek, Farg‘ona–Toshkent yo‘nalishida harakatlanib kelayotgan Tracker avtomobili Ohangaron tumani “Chinor” YPX maskanida ichki ishlar xodimlari tomonidan to‘xtatildi.

1989 yilda tug‘ilgan haydovchi (B.M.) boshqaruvidagi transport vositasi tekshirilganda, avtomobil yukxonasida noqonuniy olib o‘tilayotgan 57 600 dona pirotexnika vositalari hamda 348 quti tamaki mahsuloti borligi aniqlangan.

Hozirda holatlar bo‘yicha tegishli hujjatlar rasmiylashtirilib, tergovga qadar surishtiruv harakatlari olib borilmoqda.

Tayyorlagan: Отабек Матназаров

#Toshkent viloyati #pirotexnika