Saida Mirziyoyeva Yevropa Ittifoqining O‘zbekistondagi elchisi bilan uchrashdi

Muloqot davomida aprel oyida Samarqandda bo‘lib o‘tadigan «Yevropa Ittifoqi – Markaziy Osiyo» sammitiga ko‘rilayotgan ikki tomonlama tayyorgarlik masalalari muhokama qilindi.

Foto: Telegram / Saida Mirziyoyeva

Prezident yordamchisi Saida Mirziyoyeva Yevropa Ittifoqining O‘zbekistondagi elchisi Toyvo Klaar bilan uchrashdi.

Muloqot davomida joriy yilning aprel oyida Samarqandda bo‘lib o‘tadigan «Yevropa Ittifoqi – Markaziy Osiyo» sammitiga ko‘rilayotgan ikki tomonlama tayyorgarlik masalalari muhokama qilindi.

"Janob Klaar ayollarning huquqiy himoyasi va iqtisodiy imkoniyatlarini kengaytirishga qaratilgan sa’y-harakatlarimizni qat’iy qo‘llab-quvvatlashini bildirdi", deydi Saida Mirziyoyeva.

Shuningdek, Toyvo Klaar O‘zbekiston o‘zining boy tarixini asrab-avaylashini e’tirof etib, bu doimo g‘urur va milliy o‘zlikni mustahkamlashga xizmat qilishi kerakligini ta’kidladi.