Antarktidada ish: oshpaz, santexnik va elektriklar qidirilmoqda

Institut Antarktidadagi stansiyalar uchun mutaxassislarni izlamoqda. BAS saytida oshpazlar, duradgorlar, elektriklar va santexniklar uchun bo‘sh ish o‘rinlari e’lon qilindi.

Xodimlar yiliga 66 000 yevrogacha maosh, qo‘shimcha mukofotlar, shuningdek bepul turar joy, ovqat, transport va maxsus kiyim-kechak bilan ta’minlanadi.

Ish haqi kasbga qarab yiliga 34 000 dan 66 000 yevrogacha o‘zgarishi mumkin. Biroq puldan tashqari, Antarktidada ishlash “noyob tajriba va global ilm-fanga hissa qo‘shish imkoniyatini” taqdim etadi.

Yangi xodimlar zimmasiga Antarktidaning turli hududlarida joylashgan beshta BAS ilmiy-tadqiqot stansiyasiga xizmat ko‘rsatish vazifasi yuklanadi. Shubhasiz, Yer yuzidagi eng noyob joylardan birida pingvinlar yonida ishlash qiziq tuyulishi mumkin, biroq kelgusida duch kelinadigan qiyinchiliklarni ham unutmaslik lozim.

Antarktidada oziq-ovqat bilan bog‘liq ma’lum muammolar mavjud. Bazalar shu qadar murakkab hududlarda joylashganki, ularga faqat yiliga bir marta oziq-ovqat yetkazib berish mumkin. Shu sababli oshpazlar stansiyaning barcha xodimlari uchun 18 oylik taomnomani oldindan rejalashtira olishi zarur.

BAS bazalaridan faqat bittasi yozda ishlasa, qolgan to‘rttasi yil bo‘yi faoliyat yuritadi. Bu esa eng qattiq sovuqda ham ish davom etishini anglatadi. Shamol tezligi soatiga 100 kilometrga yetib, harorat kamdan-kam holatlarda -30 gradusdan yuqori bo‘lgan abadiy qorong‘ilik sharoitida ham bir necha oy davomida ish to‘xtamaydi.

Bo‘sh ish o‘rinlarining birinchi partiyasi uchun arizalar mart oyida qabul qilinadi, shartnomalar esa iyul oyi oxirigacha tuziladi.

Posmotret etu publikatsiyu v Instagram

Publikatsiya ot Kun.uz (@kun.uz)