Toshkentda avtobus yo‘lni ajratib turuvchi beton to‘siqqa borib urildi

Shahrisabz ko‘chasida kuzatilgan YTH oqibatida tan jarohati olganlar yo‘q.

Foto: Videodan kadr

Joriy yilning 28 yanvar kuni soat 23:00 larda Mirobod tumani Shahrisabz ko‘chasida yo‘l-transport hodisasi yuz berdi.

Toshkent shahar IIBB YHXB xabariga ko‘ra, 1976 yilda tug‘ilgan haydovchi M.I. KINGLONG rusumli avtobusni boshqarib ketayotib, rul boshqaruvini yo‘qotgan va yo‘lni ajratib turuvchi beton to‘siqqa to‘qnashib, yo‘l-transport hodisasi sodir bo‘lgan.

YTH natijasida tan jarohati olganlar yo‘q.

Mazkur holat yuzasidan Toshkent shahar IIBB YHXB mas’ul xodimlari tomonidan surishtiruv ishlari olib borilmoqda.