Qonunlar normalarining aniq va bir xil qo‘llanishi ta’minlanadi

Yangi qonun bilan Jinoyat-protsessual kodeksiga va «Korrupsiyaga qarshi kurashish to‘g‘risida»gi qonunga o‘zgartirishlar kiritildi.

«Iqtisodiy jinoyatlarga qarshi kurashish tizimi takomillashtirilishi munosabati bilan O‘zbekiston Respublikasining ayrim qonun hujjatlariga o‘zgartirish va qo‘shimchalar kiritish to‘g‘risida»gi qonun qabul qilindi.

Qonun bilan Jinoyat-protsessual kodeksiga va «Korrupsiyaga qarshi kurashish to‘g‘risida»gi qonunga Iqtisodiy jinoyatlarga qarshi kurashish departamentining jinoyat ishlari bo‘yicha tergovni yuritish borasidagi vakolatlari aniqlashtirilishini nazarda tutuvchi o‘zgartirish va qo‘shimchalar kiritildi.

Bundan tashqari Ma’muriy javobgarlik to‘g‘risidagi va Budjet kodekslariga Iqtisodiyot va moliya vazirligi Davlat moliyaviy nazorati organlarining vakolatlari Iqtisodiy jinoyatlarga qarshi kurashish departamenti Davlat moliyaviy nazorati inspeksiyasining zimmasiga yuklatilishini nazarda tutuvchi o‘zgartirishlar kiritilmoqda.

Qonun rasmiy e’lon qilingan kundan e’tiboran kuchga kiradi.

#budjet #Qonun #ma’muriy javobgarlik