Oylikbot o‘rniga yangi dastur ishga tushiriladi

Davlat tashkilotlari xodimlarining ish haqi haqidagi ma’lumotlari uchun yangi dastur ishga tushiriladi. Bu haqda Iqtisodiyot va moliya vazirligi xabar berdi.

«Telegram ijtimoiy tarmog‘ida ish haqi to‘g‘risida ma’lumot beruvchi «Oylikbot» (chat boti) o‘chirilganini, uning o‘rniga muqobil sifatida yaratilgan, xavfsiz va foydalanish uchun qulay bo‘lgan «Moliyachi» axborot tizimi ishga tushirilishini ma’lum qilamiz.

Mazkur dastur ishga tushirilgandan so‘ng xodimlar bevosita ish haqi va boshqa zarur ma’lumotlarni dasturdan yuklab olish imkoniyatiga ega bo‘lishi mumkin», deyiladi vazirlik xabarida.

Yangi dastur qachondan ishga tushishi noma’lum. Bu bo‘yicha qo‘shimcha ma’lumot berilishi aytilyapti.