100 mln dollarlik qadimiy tangalar kolleksiyasi auksionga qo‘yiladi
Kolleksiya yevropalik erkakka tegishli bo‘lib, Ikkinchi jahon urushi davrida u 15 mingga yaqin tangani yer ostiga ko‘mib qo‘ygan.

Foto: Numismatica Ars Classica
15 mingga yaqin qadimiy oltin va kumush tangalardan iborat kolleksiya Numismatica Ars Classica (NAC) kimoshdi savdosiga qo‘yildi. Lot 100 mln dollarga baholanmoqda, deb yozadi Financial Times.
Tangalar ismi oshkor etilmagan yevropalik erkakka tegishli bo‘lib, u ularni 1930 yillardan to‘play boshlagan. Ikkinchi jahon urushi davrida kolleksioner tangalarni o‘z bog‘iga ko‘mib qo‘ygan. Xazina 50 yildan ziyod yer ostida turgan.
Erkak tangalarning aksariyatini sigaret qutilariga joylashtirib, so‘ng ularni alyuminiy qutilarga berkitgan. Kolleksioner xazinaning qayerdaligini faqat xotiniga aytgan, natsistlar Yevropaga bostirib kelganidan keyin erkak insultdan vafot etgan.
Uning rafiqasi 1990 yillarning o‘rtalariga kelib tangalarni qazib olishga ahd qilgan. Keyinchalik u xazinani ro‘yxatga olish va baholash uchun NAC tashkilotiga murojaat qildi. Auksion uyi rahbari Arturo Russoning aytishicha, to‘plamni kataloglarga kiritish jarayoni bir yildan ortiq vaqtni olgan.
To‘plamda Britaniya soverenlaridan tortib Muqaddas Rim imperiyasining 1,4 million dollar qiymatidagi 100 dukatlik oltin tangasigacha bo‘lgan eksponatlar mavjud. Ularning orasida bir donasi 1000 funt sterlingdan sal arzonroq sotilishi mumkin bo‘lgan tangalar ham bor.
To‘plamning umumiy narxi bu kabi lotlar tarixidagi eng yuqori ko‘rsatkichga yetdi. NAC ularni to‘rt yil mobaynida bosqichma-bosqich 15 ta kimoshdi savdosiga qo‘yishni rejalashtirmoqda. Birinchi savdo 20 may kuni o‘tkaziladi.
Tavsiya etamiz
Mask ketadi, DOGE ham o‘z faoliyatini to‘xtatadi – Tramp
Jahon | 18:12 / 01.04.2025
1 apreldan Rossiyadagi migrantlarga bir qator cheklovlar kuchga kirdi
Jahon | 17:12 / 01.04.2025
Maktablarni to‘liq 5 kunlik o‘qish va ish rejimiga o‘tkazish taklif qilinmoqda
O‘zbekiston | 16:53 / 01.04.2025
Yozda top-klublar «talashishi» kutilayotgan 11 hujumchi
Sport | 15:30 / 01.04.2025
So‘nggi yangiliklar
-
Rossiya armiyasi Xarkivga hujum qildi: halok bo‘lganlar bor
Jahon | 09:52
-
Ispaniya «oltin viza»larni bekor qildi
Jahon | 09:49
-
Tramp jahon bozorlarini «portlatdi»: AQSh aksiyalari bir soat ichida deyarli 3 trln dollarga arzonlashdi
Jahon | 09:42
-
Moskva milliarderlar soni bo‘yicha dunyoning ikkinchi shahriga aylandi
Jahon | 09:41
Mavzuga oid

10:05 / 20.03.2025
Buyuk Britaniyada ideal darajada dumaloq tuxum auksionda sotildi

18:25 / 10.02.2025
Tramp 1 sentlik tangalar zarb qilishni to‘xtatishni buyurdi

15:32 / 12.09.2024
Eynshteynning Ruzveltga yozgan xati kimoshdi savdosida qariyb 4 mln dollarga sotildi

23:44 / 07.08.2024