Buxorodagi xususiy bog‘chada 1,5 yoshli bola tok urishidan vafot etdi

28 mart kuni Buxoro tumanida joylashgan YaTT Xolboyeva O‘lmas Uzoq qizi oilaviy nodavlat maktabgacha ta’lim tashkilotida 1,5 yoshli bolani tok urgan. Bola vafot etgan. Bu haqda viloyat maktabgacha va maktab ta’limi boshqarmasi ma’lum qildi. O‘rganishlarga ko‘ra, vafot etgan bola 2023 yilda tug‘ilgan tarbiyalanuvchi Sh.Sh. bo‘lgan.

Boshqarma xabarida viloyat ichki ishlar boshqarmasi tomonidan bolaning o‘lim sabablari yuzasidan tergov surishtiruv ishlari olib borilayotgani ma’lum qilingan.

Shuningdek, rasmiy xabarda holat bo‘yicha qo‘shimcha ma’lumot berilishi aytilgan.