O‘zbekiston prezidenti uchta xalqaro shartnomani tasdiqladi

O‘zbekiston prezidenti Shavkat Mirziyoyevning 2025 yil 27 martdagi qarori bilan uchta xalqaro shartnoma tasdiqlandi.

Ular:

• 2024 yil 23 sentabr kuni Nyu-Yorkda imzolangan O‘zbekiston bilan Portugaliya o‘rtasida iqtisodiy hamkorlik to‘g‘risidagi bitim;
• 2024 yil 24 sentabr kuni Nyu-Yorkda imzolangan O‘zbekiston hukumati bilan Slovakiya hukumati o‘rtasida iqtisodiy hamkorlik to‘g‘risidagi bitim;
• 2024 yil 27 sentabr kuni Toshkentda imzolangan O‘zbekiston hukumati bilan Hindiston o‘rtasida ikki tomonlama investitsiya bitimi.

Investitsiya, sanoat va savdo vazirligi mazkur xalqaro shartnomalarni amalga oshirish uchun mas’ul etib belgilandi. 

Vazirlar Mahkamasi hamda tegishli vazirlik va idoralarning rahbarlari mazkur xalqaro shartnomalar kuchga kirganidan keyin belgilangan tartibda ularning qoidalari amalga oshirilishi ustidan nazoratni ta’minlaydi.