Piskentda avtomobil salonida qisilib qolgan haydovchi qutqarildi

Toshkent viloyati Piskent tumanida inson hayoti saqlab qolindi, deb xabar bermoqda FVV.

Kecha, 15 aprel kuni soat 04:49 da Toshkent viloyati FVBga A-373 avtomobil yo‘lining Piskent tumani hududidan o‘tgan qismida yo‘l-transport hodisasi sodir bo‘lgani va uning oqibatida haydovchi avtomobil saloni ichida qisilib qolgani, unga amaliy yordam zarurligi to‘g‘risida xabar kelib tushgan.

Xabarga asosan, FVV qutqaruvchilari zudlik bilan aytilgan manzilga yetib borib, tezkor harakatlar natijasida haydovchi qutqarilgan va malakali tibbiy yordam ko‘rsatish uchun shifokorlarga topshirilgan.