Rossiyada migrantlar uchun ijtimoiy pensiyalarni bekor qilish taklif etildi

Leonid Slutskiy boshchiligidagi LDPR deputatlari Rossiya hukumatiga chet el fuqarolari uchun keksa yoshdagi ijtimoiy pensiyalarni bekor qilishni taklif etuvchi qonun loyihasini yubordi.

Hujjatda chet elliklarga keksalik uchun ijtimoiy to‘lovlarni «tegishli qo‘shimcha to‘lovlarni hisobga olgan holda» bekor qilish taklif etiladi. Qonun loyihasi tasdiqlash uchun hukumatga yuborildi, deb yozdi «RIA Novosti».

Qonun loyihasi mualliflari «Rossiya ko‘plab xorijliklar uchun jozibador mamlakat, jumladan, Rossiya pensiyasini olish imkoniyati tufayli» ekanini ta’kidlaydi.

«Shu bilan birga, Rossiyada o‘rtacha tayinlangan pensiyaning o‘rtacha ish haqiga nisbati qariyb 28 foizni tashkil etadi, ya’ni... pensiya ish haqining uchdan biridan kamini qoplash imkonini beradi, bu esa uning butun mamlakat bo‘ylab nihoyatda pastligidan dalolat beradi», deyiladi parlament a’zolari bergan tushuntirish xatida.

Amaldagi qonunchilikka ko‘ra, ijtimoiy pensiya olish huquqi Rossiyada kamida 15 yil yashagan, yashash uchun ruxsatnomaga ega bo‘lgan va ma’lum yoshga yetgan chet elliklarga beriladi (erkaklar uchun 70 yosh va ayollar uchun 65 yosh).

LDPR tashabbuskorlari pensiya tizimini asossiz majburiyatlardan himoya qilishga, budjet yukini kamaytirishga va pensiyani davlat qurishda ishtirok etish natijasi deb hisoblaydigan tamoyilga ishonchni tiklashga yordam beradi, deb hisoblaydi.