Mers Trampga Ukrainadagi urushni birgalikda tugatishni taklif qildi

Germaniya kansleri Fridrix Mers Vashingtonga birinchi tashrifi chog‘ida AQSh prezidenti Donald Trampni Rossiyaning Ukrainaga qarshi urushini tugatish harakatlaridagi «asosiy shaxs» deb atadi. «Biz bu urush qanchalik dahshatli ekani haqida bir fikrga keldik va uni tugatish yo‘llarini izlayapmiz», dedi u 5 iyun, payshanba kuni Oval kabinetdagi muzokaralardan so‘ng.

Mers Amerika prezidentini Rossiyaga bosimni kuchaytirishga chaqirdi va Ukrainadagi urushni tugatish uchun birgalikda harakat qilishni taklif etdi. Qo‘shma Shtatlar «bu urushni tugatish uchun juda kuchli pozitsiyada», deb tushuntirdi u. «Biz qo‘limizdan kelgan barcha ishni qilishga tayyormiz», — deya qo‘shimcha qildi Mers.

Shu bilan birga, u Rossiya urush tajovuzkori va qo‘zg‘atuvchisi ekanligini aniq ta’kidladi. «Biz Ukraina tomonidamiz», deb ta’kidladi u hamda Germaniya va Yevropa Ittifoqi Kiyevni kuchliroq qilishga harakat qilayotganini qo‘shimcha qildi. O‘z navbatida, Tramp bu borada aniq bir bayonot bermadi.

Germaniya kanslerini Oq uyda qabul qilar ekan, u Germaniyaning mudofaa xarajatlarini oshirishi haqida ijobiy fikr bildirdi. «Bilamanki, siz hozir mudofaa uchun ko‘proq pul sarflayapsiz va bu ijobiy holat», — dedi u.