Toshkentdagi ko‘chalardan biri vaqtincha yopildi

Sodiq Azimov va «O‘zbekiston ovozi» ko‘chalari kesishmasida avtomobillar harakati vaqtincha cheklanadi.

Foto: Toshkent shahri transport bosh boshqarmasi

Toshkent shahri, Mirzo Ulug‘bek tumanidagi «O‘zbekiston ovozi» ko‘chasi kapital ta’mirlanmoqda va turizm ko‘chasiga aylantirilmoqda.

Toshkent shahri transport bosh boshqarmasi xabariga ko‘ra, shu sababli, qurilish ishlarini jadallashtirish maqsadida Sodiq Azimov va «O‘zbekiston ovozi» ko‘chalari kesishmasida 2025 yil 2 iyul, soat 12:00 dan 2025 yil 5 iyul, soat 08:00 gacha avtomobillar harakati vaqtincha cheklanadi.

Ushbu kesishmadan o‘tuvchi 60-son yo‘nalishli avtobus harakati borishda ham, qaytishda ham Shahrisabz ko‘chasi orqali tashkil etiladi.

Tayyorlagan: Сардор Юсупов

#Toshkent #yo‘l ta’mirlash