Zelenskiy: “Biz Donbassdan chiqmaymiz”

Avvalroq The Wall Street Journal Moskva Kiyevga o‘t ochishni to‘xtatish evaziga Donbassdan voz kechishni taklif qilganini yozgandi.

Foto: Global Look Press

Ukraina Donbass hududini tark etmaydi. Bu haqda Ukraina prezidenti Volodimir Zelenskiy ma’lum qildi.

“Biz Donbassdan chiqmaymiz. Biz bunday qilolmaymiz. Agar Donbassdan o‘z xohishimiz bilan chiqsak yoki bizga bosim o‘tkaziladigan bo‘lsa, uchinchi urushni ochamiz”, dedi u.

Avvalroq The Wall Street Journal Moskva Kiyevga o‘t ochishni to‘xtatish evaziga Donbassdan voz kechishni taklif qilganini yozgandi.

Zelenskiy Ukraina konstitutsiyasiga ko‘ra hududiy yon berishga rozi bo‘lmasligini aytgandi.

15 avgust kuni Alyaska shtatining Ankorij shahrida Tramp va Putin uchrashuvi o‘tkaziladi. Unda Rossiya-Ukraina mojarosini hal qilish masalasi muhokama qilinadi.

#Donbass #Volodimir Zelenskiy