«Ukraina va Alyaska endi hech qachon Rossiyaniki bo‘lmaydi» – sammit arafasida Ankorij ko‘chalaridan fotoreportaj

Alyaskadagi Ankorij shahrida 15 avgust kuni AQSh va Rossiya prezidentlari Donald Tramp va Vladimir Putinning uchrashuviga tayyorgarlik ko‘rilmoqda. Sammitning asosiy mavzusi – Ukraina, ammo prezident Volodimir Zelenskiy muzokaralarda ishtirok etmaydi.

Tramp va Putinning Ankorijdagi uchrashuvi arafasida Ukrainani qo‘llab-quvvatlash bo‘yicha aksiyalar tashkillashtirildi. Stand UP Alaska jamoat tashkiloti rahbari Erin Jyekson-Hill sammitdan uch kun oldin «Ukrinform» agentligi bilan suhbatda Putin «harbiy jinoyatchi va unga Amerika zaminida joy yo‘qligi»ni aytgandi. «Biz avtoritar diktatorlar shtatimizga taklif etilishini qo‘llab-quvvatlamaymiz», – deya ta’kidlagandi u.

Stand UP Alaska hisob-kitoblariga ko‘ra, 14 avgust kuni bo‘lib o‘tgan norozilik namoyishiga mingga yaqin odam kelgan. Stand UP Alaska muzokaralar kuni yana bir aksiya o‘tkazishni – Ankorijda Ukrainaning ulkan bayrog‘ini o‘rnatishni rejalashtirmoqda. Meduza Ankorijda Ukrainani qo‘llab-quvvatlash uchun o‘tkazilgan aksiyadan suratlar e’lon qildi.